Hindi alam kung tutuloy.
Dideretso ba o hihinto?
Hindi na alam ang sigurado.
Teka, tayo nga ba'y naging sigurado?
Mas mabuting sabihin natin na lahat ng iyon ay siguro.
Siguro, hindi talaga natin pinili ang bumalik.
Siguro, hindi talaga natin ginusto ang matamis na yakap at halik.
Siguro, nadala lang tayo sa paulit-ulit na pangungulit.
Siguro, mas mabuti na sabihing pinilit kaysa pinili.
Pinilit buuin ang isa’t isa kahit na hindi tugma.
Pinilit na kumanta sa tonong hindi naman akma.
Pinilit isulat ang istoryang hindi isa’t isa ang paksa.
Pinilit piliin ang taong hindi sa’yo nakatadhana.
Ngayon, kung muli man na magtagpo,
Siguradong ako'y tuluyang nakalabas na sa pinto.
Puso mo naman ay tuluyan ng nakakamdado.
Iwan na ang nakaraan, paalam sa naging pag-ibig na walang kasiguraduhan.
No comments:
Post a Comment